Fagleg fjármálastjórn
Auðborg veitir sérhæfða þjónustu fyrir fyrirtæki sem vilja örugga, nákvæma og persónulega þjónustu. Markmið okkar er að veita ráðgjöf, einfalda bókhald, launavinnslu og skattskil viðskiptavina og tryggja að unnið sé samkvæmt gildandi lögum og reglum, með áherslu á gæði, trúnað og áreiðanleika.
Hvers vegna Auðborg
Njóttu þess að vera með traustan aðila að sjá um þín fjármál og bókhald
- Fastur tengiliður
- Þú talar alltaf við sama fólkið og þarft aldrei að útskýra reksturinn upp á nýtt.
- Skil á réttum tíma
- Við fylgjumst með dagatalinu svo þú þurfir þess ekki.
- Uppgjör sem hægt er að lesa
- Mánaðarlegt yfirlit á mannamáli, ekki bara tölur í dálkum.
Þjónusta
Það sem við tökum að okkur
Bókhald
Færsla fylgiskjala, afstemmingar og mánaðarlegt uppgjör.
Launavinnsla
Launaútreikningur, launaseðlar og skil til lífeyrissjóða og stéttarfélaga.
Virðisaukaskattur
Uppgjör og skil á hverju tímabili ásamt eftirliti með inn- og útskatti.
Ársreikningar
Uppgjör ársins, ársreikningur og skil til ársreikningaskrár.
Skattframtal
Framtal lögaðila og einstaklinga í rekstri.
Ráðgjöf
Rekstraráætlanir, greiðsluflæði og aðstoð við val á bókhaldskerfi.
Um okkur
Lítil stofa, langt samtal
Auðborg er bókhaldsstofa í Reykjavík sem veitir persónulega þjónustu í bókhaldi, launavinnslu og fjármálaráðgjöf fyrir lítil og meðalstór fyrirtæki.
Við trúum því að gott samstarf byggist á trausti, aðgengi og skýrum samskiptum. Þess vegna færðu fastan tengilið sem þekkir reksturinn þinn og er alltaf til staðar þegar spurningar vakna.
Hvort sem bókhaldið er þegar vel skipulagt eða komið í möppu, eða jafnvel skókassa, tökum við við því eins og það er, komum því í gott horf og sjáum síðan um að það gangi snurðulaust fyrir sig. Markmiðið er einfalt: að þú getir einbeitt þér að rekstrinum á meðan við sjáum um tölurnar.
Þekking og reynsla
Að baki Auðborg ehf. stendur Vilborg Ásgeirsdóttir, rekstrarfræðingur frá Háskólanum í Reykjavík, með yfir 25 ára reynslu af bókhaldi, launamálum og fjármálastjórnun.
Vilborg hefur gegnt stjórnunarstöðum hjá meðal annars ADVEL lögmönnum, IÐUNNI fræðslusetri og LOGOS lögmannsþjónustu, þar sem hún bar ábyrgð á launavinnslu, bókhaldi, fjárhagsstjórnun og innleiðingu upplýsingakerfa.
Reynslan spannar fyrirtæki af ólíkri stærð og starfsemi, þar sem gerðar hafa verið ríkar kröfur um nákvæmni, trúnað og skilvirk vinnubrögð. Sú reynsla nýtist viðskiptavinum Auðborgar á hverjum degi, hvort sem um er að ræða daglegt bókhald, launavinnslu, ráðgjöf eða stuðning við rekstur fyrirtækisins.
Hjá Auðborg sameinast fagleg þekking, persónuleg þjónusta og áreiðanleg vinnubrögð með það að markmiði að einfalda rekstur viðskiptavina og skapa þeim öryggi í fjármálunum.
Hafa samband
Segðu okkur frá rekstrinum
Sendu okkur línu og við svörum innan tveggja virkra daga. Fyrsta samtalið kostar ekkert.